Hala eta guztiz ere, kuriositate hutsez, establezimendu horretara hurbiltzea erabaki zuenean, harriturik gelditu zen jatetxea zabalik zegoela ikusita. Hori dela eta, bertan bizi den lagun bati galdetu eta egunean bertan zerbitzua eskatu zuela erantzun zion, arazorik gabe gainera.
Zenbat alditan gertatu zaigu Soraluzera zerbitzu horien eskaintza heltzea, buzoneo gisa, eta beraien zerbitzua eskatzea nahi dugunean ezezkoa jasotzea? Dena den, azpimarratu nahi dut herrian ditugun eskaintzak ez ditudala baztertzen, ezta gutxiesten ere. Betidanik eskatu ohi dugu (eta eskatzen jarraituko dugu) herriko taberna zein jatetxeetan, baina, kanpotik eskaintza ezberdinak heltzen zaizkigunean, maiz, ez dute haien hitza betetzen. "Soraluzera ez dugu eramaten", "Soraluzera? Ez." Zergatik?