Hiru egun gogoangarri udalekuetan

Eguaztenean hasi eta gaur arte, 12-16 urte bitarteko 40 gazte San Andresen pasatu dituzte udalekuak Kukumixorekin, zelaian ipini dituzten kanping dendetan lo eginez. Tartean, herritik kanpora ere atera dira: eguaztenean, Mutrikuko hondartzan izan ziren eta eguenean, berriz, Elorrioko piszinetan. Gaur San Andresen pasatuko dute eguna eta gauerako etxera erretiratuko dira, batzuk, azala gorrituta eta denak lagun arteko egunak gozatuta.