Neguan bete-betean sartuta gauden honetan, elurretan gozatu osterako aukera ezin hobea izango dute herriko haur eta gaztetxoek domeka arratsaldean. 17.00etatik 19.00etara bitarte jolasean gozatuko dugu Kiroldegiko Frontoian. Euskal Aratostiak otsailaren 13an ospatuko badira ere; egun horretarako apaingarri eta eskulan ugari burutuko ditugu asteburu honetan. Aurtengo Mielotxin elkarrekin sortu, dantzen plaza izango dena irudikatu, pankarta ikaragarria egin...
Horrez gain, gainera, Soraluzeko jolasak ezagutzeko aukera ezin hobea izango dugu. Gure guraso eta amama-aittittek jolas egiten zituztenak ezagutu eta gozatuko ditugu. Ederra izango da, zoragarri pasatuko dugu!
Bertan elkartuko garelakoan, oraingoan bai: Txorro, morro, piko, taio, ke!