Barikuan punk-oi eta zapatuan pop-rock jaialdiak Gaztetxean
2023ko mar. 17a, 08:00
Kontzertuz bete-betea dator asteburua Gaztetxean. Gaur, barikua, Sindy Berbenas (Arrasate) eta Sentenciados (Bergara) taldeek joko dute 23:00etan hasiko den punk-oi jaialdian (sarrera 5 euroan). Bihar, zapatua, bermuth orduan abiatuko du egitaraua Añubeko Trobak bikote soraluzetarrak eta ohikoa duen moduan Silvio Rodriguezen kantekin osatutako errepertorioa eskainiko du. Iluntzean, berriz, 20:00etatik aurrera, Amustei talde bergararrak girotutako rock kontzertua izango da (sarrerak debalde).