Gabonetako bertso jaialdia entzungai

Abenduaren 22an, bertSora bertso eskolak antolatuta, bertso-jaialdia egin zuten Antzokian. Oholtzan bost bertsolari: Xabat Illarregi, Uxue Alberdi, Josune Aramendi, Eneko Beretxinaga eta  Andoni Egaña. Haiekin batera, Arrate Gisasola gaiak ematen. Guztien artean, ordu eta erdiko saio polita osatu zuten, umoretsua eta jolastia momentu askotan, erritmoduna eta orekatua orokorrean. Bertsolari denek kantatu zuten ale ederren bat eta publikoan zeuden laurogeitamarren bat herritarrek gogotik eskertu zuten.

Entzun saio osoa audioan eta ikus Juan Fernandezek ateratako argazki sorta ederra (IG:@juan.fconde).