Aukerako bizitzak garatzen dittugu edo datorrenari erantzutea baino ez zaigu gelditzen? Non hasten da guretzat aukera edota noraino gaude jaio orduko bizibide bat egitera bideratuta, noraino behartuta?
Askatasunaren ilusioaz eraikitzen ditugu planak bizimodu onak izateko, gure buruarekin gustora egoteko, baina ilusioa gauzatzen denean urtu egiten da berehala, ez da iraunkorra, ez da jasangarria. Askatasunak bere baitan darama frustrazioa. Heldutasuna, hain zuzen, psikologiaren ikuspegitik frustrazioaren aurrean garatzen dugun tolerantzia maila bezala ulertzen da.
Bizitzan beti ditugu aukerak, baina aukera hori gure barruan erabakitzen da. Ahalegintzen gara etengabe mundua menperatuz gure arrakasta pertsonala eraikitzen, baina heldu arte ez gara jabetzen lor dezakegun arrakasta bizitzarekin armonizatzean dagoela. Nola ikasi datorkiguna onartzen; onartze horrek irekitzen dizkigu gozamenerako ateak.