Basarteko hainbat gune garbituko dituzte Herri Eskolako ikasleek

Ozeano Barean pilatutako plastikoekin sortu den uhartearen harira, proiektu bat lantzen dihardute Herri Eskolako LH 5. mailako ikasleek, eta kutsadurarekiko kezka praktikara eramatea erabaki dute. Basarteko hainbat gune garbitzeko baimena eskatu dute Elgoibarko Udalean eta baiezkoa jasotzeaz gainera laguntzeko prest agertu da Udala.