EAJk irabazi ditu Espainiako Kongresurako bozak Elgoibarren, baina PPk eta VOXek nabarmen egin dute gora

Azken urteotako joera errepikatu da Elgoibarren, Espainiako Kongresurako hauteskundeetan. Botoen %100na zenbatuta, EAJk irabazi ditu hauteskundeak, botoen %38,65 eskuratuta: 2.308 boto guztira. Apirilean egin ziren hauteskundeetan moduan, EHBildu izan da gaur bigarren alderdi indartsuena, 1.477 botorekin (%24,73), eta alderdi sozialista hirugarren indarra, 984 botorekin (%16,48). Alderdi abertzale biek eta sozialistek behera egin dute boto kopuruan, apirilarekin alderatuz gero, eta aldiz, PPk eta VOXek nabarmen egin dute gora.