EAJ izan da alderdirik bozkatuena Mendaron Kongresurako hauteskundeetan

Lau urtean laugarrengoz egin dira gaur Espainiako Gorteetarako hauteskundeak, bigarrengoz aurten, eta Espainiak gobernu egonkor bat osatzeko dituen ezinak aspertu ditu nonbait herritarrak. Parte-hartzeak behintzat nabarmen egin du behera eta joera hori errepikatu da Mendaron ere. Apirilean egin ziren hauteskundeetatik hamar puntu jaitsi baita gaur parte-hartzea: %73tik %63ra. 1.499 lagun zeuden gaur botoa ematera eta 945k eman dute. Emaitzei dagokionean ez da ordukoetatik alderik izan.