Juan Mugertza, Behobia Donostiako aurreneko irabazlea

Domekan jokatuko duten Behobia Donostia lasterketak 100 urte bete ditu aurten, 1919ko martxoaren 30ean jokatu zutelako estreinakoz. Gaur egun sona handia duen lasterketak lotura berezia du Elgoibarrekin, Juan Mugertza Sasieta (1900-1937) antxitxikaria izan zelako lehen irabazlea. Elgoibarko korrikalari handiak 1:17:50 denboran osatu zituen hogei kilometroak.