Mugertza krosa atletismo ondarea errekonozimenduarekin sarituko du IAAFek

Nazioarteko Atletismo Federazioko (IAAF) zenbait ordezkari eta 1996an Mugertza krosa irabazi zuen Paulo Guerra portugaldarra Elgoibarren izan dira gaur, bisitan. IAAFeko ordezkariek jakinarazi dutenez, historiako kros onenen artean dago Elgoibarkoa, eta hala dela adierazten duen The World Athletics Heritage Plaque izendapena jasoko du, atletismo ondare izateagatik.