“Bizkaierazko eta gipuzkerazko euskalkien artean muga egiten duen hizkera da Elgoibarkoa”

Elgoibarko Izarra Euskaltzaleon Topaguneak ‘Elgoibarko Berbetia’ izeneko ikastaroa antolatu du, Udalaren laguntzaz. Jesus Mari Makazaga izango da saioen gidaria. Makazagak Elgoibarko berbetaren gaineko doktore tesia egin zuen, eta herritarren eskura jarriko ditu orain elgoibarreraz idazteko arauak. Azaroko lau eguaztenetan izango dira saioak, 18:30etik 20:30era. Interesatuek BARREN astekarian (943 744 112) edo hemen eman dezakete izena. Ikastaroaren xehetasunak azaldu ditu Makazagak.