San Bartolome jaietako azkenaurreko eguna da gaur, Gazteei eskainitakoa. Jaietako azkenengo sokamuturrarekin hasi da Gazteen Eguna eta goitibeheren jaitsiera egin dute gero Azkue auzoko aldapetan behera. Arratsaldean moto trial ikuskizuna, eskubaloia, perkusioa eta skate jaialdia izan dira, besteak beste. Gune Askekoek bazkaria egin dute Sigman, eta ondoren Elektrotxarangarekin ibili dira herriko kaleetan zehar.