San Bartolome kaleko 5. atarikoak gaur itzuliko dira etxera eta 6. atarikoak beharrezko dituzten gauzen bila sartu ahal izango dira

Udaletik jakinarazi dute San Bartolome kaleko 5. atarikoak etxera itzuliko direla gaur, eta 6. atariko bizilagunak etxera sartzeko aukera izango dutela gaur 19:00etan, baina soilik egoera zein den ikusi eta beharrezko gauzak hartzeko. San Bartolome kaleko 2. eta 4. atariko bizilagunak, berriz, bihar sartu ahal izango dira etxera beharrezko dituzten gauzak hartzera; gaurko ordu berean, 19:00etan.