Maite Maiorak bosgarren egin du Lavaredo Ultra Trail lasterketa entzutetsuan

Distantzia luzeko Europako lasterketa entzutetsuenetarikoa da Lavaredo Ultra Trail, italian, Dolomitetan jokatzen dena. 120 kilometroko lasterketa da, 5.800 metroko desnibel positiboduna. Lasterkariak barixakuan abiatu ziren korrika, 23:00etan, eta gehienez 30 ordu zituzten helmugaratzeko. Maite Maiora mendaroarra bosgarren helmugaratu zen atzo, 16:29:09ko denbora eginda.