Espainiako Eskubaloi Federazioak Iberdrola Ligan jokatzen duten jokalari onenekin osatuko du All Star Team edo izarren taldea. Hautagaien zerrenda zabaldu dute eta arlo bakoitzean jokalari gogokoenaren alde bozkatzeko aukera izango da sare sozialen bidez. June Loidi elgoibartarra bi sari lortzeko hautagaietako bat da, defentsa onena eta jokalari hasiberri onenaren sarietarako.