EAJko Iñaki Arregi izendatu dute Mendaron alkate, PSE-EEren babesarekin

EAJ eta PSE-EEren arteko akordioa bete egin da Mendaron ere, eta Iñaki Arregi jeltzaleen zerrendaburua izendatu dute alkate. Sei boto eskuratu ditu Arregik, eta lau, Enetz Ezenarro EHBilduko alkategaiak [Olatz Bizkarguena EHBilduko zerrendakideak ez du bozketan parte hartu]. Udalbatza aretoa bete egin da, eta aspaldiko urteetako ikusminik handiena sortu du bozketak, baina ez da ezustekorako tarterik izan.