Angel Ibarluzea: “Nire aurreneko gaupasa bolatokian egin nuen, 13-14 bat urterekin”

Hiru txirlo bola jokoko dominatzaile nagusienetakoak dira bolari elgoibartarrak; Euskadiko eta Gipuzkoako konta ezin beste txapelketa irabazi dituzte bakarka, bikoteka zein taldeka. Angel Ibarluzea eta Xabier Loiola lehengusuek irabazi berri dituzte azken txapelak. Gipuzkoako 50. hiru txirlo bola-joko txapelketa irabazi dute bikoteka, eta Ibarluzeak bosgarrengoz irabazi du bakarkako titulua. Bera da gainera egungo Euskadiko txapelduna. Zein hoberik bola jokoaz berba egiteko.