'Rio Ego' Debako ontziolan egindako itsasontzirik handienaren ureratzearen lekuko, 1920an

Debako ontziolan eraiki zuten Rio Ego itsasontzia, egurrez egindako garaiko handienetakoa (1.200 tona pisatzen zituen). 1920ko irailaren 29an, San Miguel egun batez, itsasoratu zuten eta demaseko ikusmina sortu zuen bailaran. Juanito Arrieta elgoibartarrak 15 urte zituen, eta aitaren furgoneta zaharrean joan zen Debara, ureratzea ikustera. Ahotsak.eus.en dute jasota Arrietaren lekukotza.