Zeanurin lurpetik ateratako hiru milizianoren gorpuak Elgoibarko Kolunbarioan lurperatuko dituzte

2017ko azaroaren 18an atera zituzten lurpetik Altun mendian, Zeanurin. Pedro San Millan Beitiaren gorpuzkinen bila ari ziren, baina Beitiaren gorpuzkinez gain, beste lau lagunen gorpuak ere topatu zituzten 36ko gerra-lubaki hartan. Gorpu haiek senideei itzuli zizkien atzo Iñigo Urkullu Jaurlaritzako lehendakariak Gogorak Bilbon daukan egoitzan. Bost miliziano horietako hiru Elgoibarko kolunbarioan hobiratuko dituzte orain.