Euskararen aldeko 900 kamiseta banatu dituzte Elgoibarko nerabeen artean

Intza Uranga mendaroarrak irabazi du Euskararen Nazioarteko Egunaren harira Elgoibarko Izarrak eta Gaztelekuak Udalarekin lankidetzan antolatutako esaldi lehiaketa. “Aldapan gora edo behera... iritsi dadila denera!” esaldiarekin irabazi du lehiaketa. Elgoibarko Institutuko eta Ikastolako 900 ikasle inguruk jantzi zuten atzo, Euskararen Egunean, Intza Urangaren esaldia daramaten kamisetak.