Estrasburgoko auzitegiak ebatzi du Bateragune auzian zigortutakoek ez zutela epaiketa inpartzialik izan

Bateragune auzian zigortutako bost lagunek, tartean Arnaldo Otegi elgoibartarrak, Europako Giza Eskubideen Auzitegira jo zuten, Angela Murillo Auzitegi Nazionaleko epailea ez zela inpartziala izan iritzita. Estrasburgoko auzitegiak bere epaiaren berri eman du gaur eta ebatzi du Europako Giza Eskubideen Itunaren 6.1 artikulua urratu zela.