Mayi Mujikak hirugarren egin zuen Munduko Kopako Matterhorn Ultraks lasterketan

Mayi Mujikak mendi lasterketetan lehiatzeko erabili ditu abuztuko oporraldiko zenbait egun, eta emaitza bikainak lortu ditu. Hasteko, Cursa per Muntanya Vistabella lasterketan lortu zuen bosgarren postuari esker, mendi lasterketen Espainiako Kopako hirugarren postuan amaitu du. San Bartolome egunean, berriz, Suitzako Matterhorn Ultraks lasterketan hartu zuen parte eta hirugarren egin zuen.