Marea Urdina itsas zeharkaldiaren jarraipen ontziko patroi lanak egin ditu Roberto Andonegi elgoibartarrak

Autismoa duten pertsonen inguruan sentsibilizatzeko asmoz asteburuan egin duten itsas zeharkaldian parte hartu du Roberto Andonegi elgoibartarrak (Eibar, 1955). Gipuzkoako kostalde osoa zeharkatu du Marea Urdinak, 64 kilometro, hasi Saturraranen (Mutriku) eta Hondarribira artekoa, eta igerilariei jarraika joan den ontzia gidatu du Andonegik.