Elgoibar eta Mendaro zeharkatuko ditu erabakitzeko eskubidearen aldeko giza kateak domekan

Eskutik heldu eta Donostia-Bilbo-Gasteiz ibilbidea osatzera deitu du Gure Esku Dago-k domekarako. 202 kilometroko giza katea izango da, eta, zapiak jende artean direla, gutxienez ehun mila lagun behar dituzte katea osatzeko. Elgoibartik eta Mendarotik ere pasatuko da katea, eta azkeneko momentura arte egongo da izena emateko aukera. Jai handia izango dela aurreratu dute antolatzaileek.