Ura irten da bere bidetik Mendaron, Abarketeroneko parean

Euria bota eta bota ari du, eta ur handiak datoz Deba ibaian behera. Uholde arriskuagatik, alarma horia ezarri dute, eta Mendaroko Garagartza auzoko portaleetan bandoa ere jarri du Udalak. Garagartza kalean eta Trinitate kaleetan autoak aparkatzea ere galarazi dute uholde arriskuagatik. Izan ere, ura irten da bere bidetik dagoeneko Abarketeroneko parean, Kilimon errekak eta Deba ibaiak bat egin duten puntuan, trenbide azpian.