Euskal Herriko Itzulia Elgoibartik pasatuko da barixaku eta zapatuan, eta Valentziaga Oroitzarrea ere bai, domekan

Elgoibarko txirrindularitza zaleak ez dira aspertuko barixakutik domekara bitartean. Izan ere, hiru egunez goi mailako txirrindularitzaz gozatzeko aukera izango da Elgoibartik mugitu ere egin gabe. Ostiralean eta zapatuan, Euskal Herriko Itzulia igaroko da guretik, eta Domekan, hiru aldiz igaroko da Elgoibartik Valentziaga Oroitzarrea lasterketa. Domeka arratsalderako, berriz, Elgoibar Hiria Saria txirrindularitza lasterketa antolatu du Lagun Taldeak. Lasteketa guzti hauek, jakina, eragina izango dute trafikoan.