Henrik Teske alemaniarrak irabazi du Elgoibarko 27. Maisuen Nazioarteko Txapelketa

Gaur eguerdian amaitu da Elgoibarko 27. Maisuen Nazioarteko Txapelketa. Zazpi eguneko lehia estua eta gero, Henrik Teske xakelari alemaniarra izan da erregularrena eta berak batu ditu puntu gehien, sei guztira. Milos Stankovic serbiar gazteak egin du bigarren, 5,5 punturekin eta Indiako Srinath Narayanan sailkatu da hirugarren bost punturekin.