Hamaika litera, literatur zale guztien elkargunea

Literaturarekiko zaletasunak batu zituen Jasone Osoro eta Unai Villena idazleak, eta ziklo berri bati ekiteko elkartu dira orain. Hamaika litera ekimen berriaren “xaxatzaileak” dira, 1998an Elgoibarko Izarraren ekimenez sortu zen Urruzuno literatur talde hartako kideak biak, eta Elgoibarren “literatura zaletasunarekiko garra piztuta mantentzera” dator haien proposamena.