Andrea Garai irabazlearekin besarkatuta sartu da helmugan Ainhoa Lendinez Marimurumendi maratoian

Ehunmilak probaren barruan, Marimurumendi mendi maratoia jokatu zuten domekan. Ibilbide osoa elkarrekin egin ostean, Beasaingo helmugara besarkatuta sartu ziren Andrea Garai eta Ainhoa Lendinez. Goierriko Bi Handiak proban, berriz, bederatzi elgoibartarrek amaitu zuten proba eta erretiratu egin behar izan zuen Ehunmilak lasterketan parte hartu zuen elgoibartar bakarrak, Iban Fernandezek. Elgoibarren lan egiten duen Javi Dominguez gasteiztarrak irabazi zuen 168 kilometroko ultra trail lasterketa.