Antton Iranzok gidatuko du CD Elgoibar kirol taldearen mendeurrenean

CD Elgoibarrek urteko batzar orokorra egin zuen eguenean (ekainak 23), eta bazkideek presidente eta zuzendaritza berriak aukeratu zituzten. Antton Iranzo Tornos da CD Elgoibarko presidente berria, azken lau urteetan presidente izan den Jesus Mari Unzillari lekukoa hartu eta gero. Hamabost lagunez osatutako zuzendaritza izango du Iranzok klub deportibo Elgoibarrek dituen erronkei aurre egiteko, horietako bat 2017an ospatuko duten mendeurrena.