Eguraldi eta giro paregabea izan zuten atzo, Ekigain jaian, udari ongi-etorria egiteko

Arratsaldeko 19:00etan Maalako parkean bildu ondoren, kale-jiran igo ziren Sallobentera dozenaka lagun, trikiti doinuak lagun zituztela. Ordubete inguruko ibilbidearen ondoren, zain zeuden Sallobenten Elgoibarko Izarrako langile eta bazkideak, txorizo-muturrak jendearen artean banatzeko. Mokadutxoa jan eta trago bat hartu ondoren, Sallobenteko zelaian eseri zen jendea, lasai-lasai, lagunarteaz gozatzeko. (argazki-bilduma)