2016 Bidearen 11. etapa Elgoibarren amaituko da ekainaren 5ean

Donostia 2016 Europako kultur-hiriburutzak eta Elgoibarko Morkaiko mendi taldeak elkarlanean antolatu dute 2016 Bidea egitasmoko 11. etapa. Elgeta eta Elgoibar lotuko ditu mendiz mendi datorren domekan, ekainaren 5ean. Euskal gizarteak berezkoak dituen mendizaletasunak eta kulturzaletasunak bat egiten dute proiektu honetan. Hala, egunaren amaieran Aitor Novak sortutako Kataiak ikuskizuna eskainiko dute Herriko Antzokian.