Iban Fernandezen erronka berriak kirola eta elkartasuna uztartuko ditu

Azkue-San Roke eta Karakate artean bederatzi buelta egiteko erronka bete ostean, Iban Fernandez elgoibartarrak erronka berria jarri dio bere buruari: Elgoibarri mendiz mendi lau itzuli jarraian ematea; 156 kilometro, 27 orduan. Elgoibarko 2-dean B-rotuz taldearekin eta Itsas Salbamentu Humanitarioko kideekin elkarlanean antolatu du erronka, eta lortzen duten dirua errefuxiatuei laguntzeko erabiliko dute.