Euskaltzale,
Zapatu goizerako plana daukagu: euskaltasunaren sutondora batu eta kontuka aritzea. Pil-pilean Euskara Elkartearen berri eman eta jaso nahi genuke. Zela joan da urtea? Eta zelakoa nahi dugu datorrena? Bertaratutako guztion begiradak batuz, ikuspegi zabalagoa izango dugu herria euskalduntzeko bideaz eta bide horretaz gozatzeko egindakoez. Kafea, tea eta goxoak ez dira faltako, baina goxoena, zure epeltasuna, euskaltzale. Eta goxoetan goxoena bukaerarako:
Plaentxia.eus webgune komunitarioaren aurkezpena
Herriko 25 eragiletik gora bere komunitatearen baitan batuko ditu plaentxia.eus agerkariak. Herriko plaza digitala berritu dugu askoren artean eta jolaserako lekua zabaldu. Leihotik plazara begiratu nahi baduzu, zu bezalakorikan plazan ba ote den ikusteko... zatoz!
Zapatuan Herriko Antzokian
- 10:00-12:00etara Batu Sutondora - elkarteko bazkide diren eta ez direnentzat
- 12:00etan plaentxia.eus webgune komunitarioaren aurkezpena