Aritz Cenzualek sartu zuen gola zapatuan, Lazkaoren aurkako norgehiagokan. Jasotako hiru puntuei eskeri bosgarrena sailkatu da preferentea, 18rekin. Urola da sailkapeneko buru 23 puntu batuta. Zumaiakoren zelaian neurtuko dituzte indarrak datorren zapatuan, 17:15ean. Zumaiarrak Sora baino sei postu beherago daude, 11 puntu batuta.
Erregionala bolada onean da eta Jonathan Sanchezek eta Nordin El Haossunik Armagiñaki sartutako bi golekin hirugarren da sailkapenean 16 puntu batuta, Urkomendi eibartarrak dira taldeko buru 22kin. Datorren asteburuan Eibartarrak-en zelaian lehiatuko dira.
Jubenilek 1-2 galdu dute Bergararen aurka eta zazpigarren izaten jarraitzen dute 9 punturekin; Bergara taldeko buruak 25 ditu. Pablo Santamartak sartu zuen Soraren aldeko gola. Datorren domekan Mondragon taldearen aurka lehiatuko dira 12:15ean Arrasaten eta lehia polita izango dela dirudi; Mondragonekoak Sorak baino bi puntu gehiago soilik baitituzte.
Markel Fernandezek, Javier Hernandezek eta Andoni Ariznabarretak sartutako golei esker, 3-2 irabazi zioten kadeteek Arizmendiri bere zelaian. 6 puntu batu ditu orain Sorak eta Arizmendiren aurretik azkenurrenak dira sailkapenean, Aretxabaleta da taldeko buru 27rekin. Aloña Mendi oñatiarrak (19 puntu) hartuko dituzte datorren zapatuan, 12:30ean Ezozin.
Sorako futbol eskolako benjamin eta alebinak ere datorren domekan lehiatuko dira, 9:00etatik aurrera Ezozin.