Ez da pasarelan diharduen lehen aldia, Eibarren eta Iruñean egin ditu desfileak Andoni Ricok. Uda aurretik Bartzelonako "Elite" modelo agentziaren sariketan ere hartu zuen parte eta laurogei parte hartzaileen artean, lehen hamabien artean sailkatu zen. Donostiako modelo agentzia batean dihardu orain eta honen bitartez lortu du Euskadi ordezkatzea zapatuan Fuengirolan ospatuko den “Guapo de España” lehiaketan. Probintzia bakoitzeko ordekari bana lehiatuko da bertan eta soraluzetarrak azaldu duenez “irabaztea baino ondo pasatzea eta esperientzia berriak bizitzea” du helburu.
Hiru sari daude jokoan: epaileek zapatuan esleituko dutena, publikoarena eta internet bidezko bozkena. Azken honetan edonork lagun diezaioke Ricori, bere aldeko bozka emanez , http://lindaespana.com/modelo/andoni-rico/ helbidean.