Jon Casado eta Aritz Cenzualen golei esker, preferenteak 2-0 irabazi zion Lagun Onak taldeari Ezozin eta poltsikoratutako hiru puntuei esker, hiru postu gora egin eta zazpigarren kokatu da sailkapenean 15 punturekin, Urola da taldeko buru 22 puntu batuta. Lazkao, taldeko laugarrenaren aurka neurtuko dituzte indarrak zapatuan, 18:00etan Arizti Handin.
Erregionalak garaipen garrantzitsua lortu du Bergara, taldeko bigarrenaren aurka 0-1 irabazita. Sora hirugarren da sailkapenean baina hiru puntuko aldea kendu dio Bergarari eta bere atzetik 13 puntura dago, Bergarak 16 ditu. Datorren jardunaldia irabazi eta Bergarak galdu ezkero, bigarren sailkatzeko aukera dute Erregionaleko mutilek. Armagiñak talde eibartarraren aurka neurtuko dituzte indarrak zapatuan, 15:30ean Ezozin. Eibartarrak makal antzera dabiltza, azkenurrenak dira sailkapenean 5 punturekin, baina seguro markagailua iraultzeko irrikitan zelairatuko direla. Lehia polita izango da, ezbairik gabe.
Ion Magrok, Julen Gomezek eta Pablo Santanartak sartutako golekin jubenilek ere 0-4 emaitza ikusgarriaz irabazi zieten Aretxabaletakoei eta 9 puntu batu dituzte sailkapenean. Azkenurrenak izaten jarraitzen dute baina bi tantoko aldea soilik etaratzen diete arrasatekoek, beraz, zapatuan Bergararen aurka 12:30ean Ezozin jokatuko den norgehiagoka irabazi ezkero, taldeko azken postuetatik urtetzeko aukera izango dute.
Kadeteek 2-4 galdu zuten Aretxabaletaren aurka eta ondorioz, azkenurren izaten jarraitzen dute 3 punturekin. Arizmendiren aurka neurtuko dituzte indarrak, zapatuan 9:30ean Eskoriatzan.