Kiroldegiko ordutegi berria erabakitzeko proba epea azaroan, debalde

plaentxia_com 2014ko urr. 30a, 07:30

Kiroldegia goizean lehenago ireki edo eguerdian zabalik mantendu behar den erabakitzeko, azaroa erabiliko dute erabilera datu objektiboak jasotzeko proba epe gisa. Hilaren 1etik 30era bitartean, igerilekua 7:00etan zabalduko da eta 20:30ean itxi; gainontzeko instalazioak 7:00etatik 21:30era egongo dira zabalik. Tarte horretan, bazkide ez diren herritarrek ere erabili ahal izango dituzte kiroldegiko instalazioak, dohainik.

Ordutegi berria urtarrilean jarriko da martxan, eta ordutik aurrera, zapatu arratsaldeetan ere zabalduko da kiroldegia. Abuztuan berriz, bost astez itxi beharrean bi astez itxiko dela jakinarazi dute arduradunek.

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.