Bana (1-1) berdindu du Preferenteak Tolosaren aurka eta zazpigarren dago sailkapenean, 8 punturekin; Getariako Keta dago lidertzan 13 puntu batuta. Aitor Blazquezek sartu zuen gola, eta ostean, ia partida amaiera, berdindu zuen Tolosak. Hiru txartel hori ere jaso zituen Sorak, bat bere entrenatzailea den Xuban Epeldek, beste bat Aitor Blazquezek berak eta hirugarrena Ekhiotz Alustizak. Kuriositate moduan esatea, zelaira bost minutu berandu sartu zirela Sorako jokalariak; aurretik talde argazkia etara baitzuten eta Marco Rascon izan zuten gogoan, lesio larria duela eta jokatu ezinik dagoen jokalaria. Datorren zapatuan (urriak 25) Beasainen (3 puntu) zelaian jokatuko dute, arratsaldeko 18:00etan.
Erregionalak deskantsua izan du asteburuan eta datorrenean, Urkiren zelaian neurtuko ditu indarrak, zapatuan 17:30ean.
Jubenilak 0-1 galdu zuen Ezozin, Eibartarrak taldearen aurka. Golik ez baina bi txartel hori jaso zituen, Juan Camilo Berrerak bat eta Mikel Oregik bestea. Sailkapenean Arizmendiren aurretik azkenurrenak dira, 3 puntu batuta; Bergara da taldeko buru, 12 punturekin. Unben jokatuko dute datorren zapatuan, eurek baino puntu bat gehiago soilik duen Urki taldearen aurka, arratsaldeko 17:30ean.
2-7 galdu zuen Kadeteak Ezozin, Arrasateren aurkako norgehiagokan; Mauricio Winston Romerok sartu zeun lehen gola, Jorge Estevezek bigarrena. Soraren alde esatea, galdu arren ez zituela kontrako txartelik jaso, ez hori ezta gorririk ere. Arizmendiren aurretik azkenurrena da sailkapenean, 3 punturekin; Aloña Mendi dago lidertzan, 12 puntu batuta. Zapatuan Aretxabaletaren aurka (12 puntu) neurtuko dituzte indarrak, 12:15ean, Ibarran.