Preferentea azken bi jardunaldietan ez da oso fin ibili; aurrekoan bana berdindu zuen Urolarekin eta oraingoan, 3-0 galdu du Mutrikuren zelaian. Nahitaez, sailkapenean behera egin du eta Hamaikak Bat-en atzetik zazpi punturekin seigarren kokatu da. Urola eta Getariako Keta daude lidertzan, 10 puntura berdinduta. Zapatuan Tolosaren aurka jardungo dute, 17:00etan Ezozin.
Erregionalak bana (1-1) berdindu du Eibatarrak-en aurka Ezozin eta Arizmendiren aurretik seigarrena da sailkapenean, 3 puntu batuta; Bergara dago lidertzan 10 punturekin. Asteburu honetan deskantsua izango dute Erregionaleko mutilek eta hurrengoan Eibarren lehiatuko dira berriz, Urki taldearen kontra.
Jubenilak 2-4 galdu zuen Mondragon taldearen aurka Ezozin. Sailkapenean azkenurrenak dira, Arizmendiren aurretik 3 puntu batuta; Antzuola da taldeko buru 10 punturekin. Zapatu honetan etxean jokatuko dute berriz, 12:30ean Eibartarrak taldeko hirugarrenaren kontra.
Kadeteek sekulako gol zaparrada jaso zuten Oñatin, Aloña Mendik 9-0 garaitu baitzituen. Beraien alde esatea oñatiarrak taldeko buru direla, 9 puntu batuta. Sora Arizmendiren aurrerik azkenurrena da sailkapenean, 3 punturekin. Zapatu honetan bere aurretik dagoen Arrasate (6 puntu) hartuko dute,10:30ean Ezozin.