Preferenteak bana (1-1) berdindu du taldeko bigarrena den Urolarekin eta jasotako puntu horrekin sailkapeneko buru izaten jarraitzen du. Bere atzetik daude Urola, Getariako, Zumaiako eta Tolosa, guztiak 7 puntura berdinduta. Datorren zapatuan (urriak 11) Mutrikuren zelaian neurtuko dituzte indarrak, arratsaldeko 16:30ean.
Erregionaleko bi jokalari berdegunetik kanporatu zituen epaileak baina, hala ere, markagailua irauli eta 3na berdintzea lortu zuten Armagiñak talde eibartarrarekin. Momentuz, Urki eta Arizmendiren aurretik bosgarrena da sailkapenean 2 puntu batuta. Bergara dago lidertzan, 9 punturekin. Zapatuan (urriak 11) 18:00etan lehiatuko dira Eibartarrak taldearen aurka Ezozin.
{mosimage}
{mosimage}
Jubenilek 4-2 galdu zuten Bergararen zelaian eta 3 punturekin seigarrenak dira sailkapenean. Beraien alde esatea, Bergara taldeko burua dela 9 punturekin. Mondragon eta Arizmendi daude Soraren atzetik sailkapenean, 1 eta 0 punturekin. Datorren zapatuan (urriak 11) Mondragon hartuko dute Ezozin, 15:45ean.
Kadeteek lortu dute asteburuko garaipen bakarra, 2-0 Arizmendiren aurka. Poltsikoratutako 3 puntuei esker sailkapenean gora egin dute eta Arizmendiren aurretik azkenurren sailkatu dira. Aloña Mendi dago lidertzan, 6 punturekin eta hain zuzen bere aurka neurtu beharko dituzte indarrak domekan (urriak 12) 10:00etan Oñatin.