Blues & Decker laukote asturiarra izango da domekan, Gaztelupeko Vermouth musikalean
Ortodoxiatik gutxi duen bluesa, sofistikazioa eta
zatarkeria, hiruretatik eskainiko ditu Asturiaseko laukote honek domekan,
13:00etan Gaztelupeko terrazan. Blues & Decker ez da ohiko blues talde bat,
soinu klasiko eta tradizional bati atxikitzea helburu duen horietakoa, ezta
bluesaren kantu zahar ezagunak bere erara moldatzearekin konformatzen den
horietako ere. Lau taldekideak gidatzen dituen izpiritu edo gogoa lotuago dago
bluesa bereganatu edo “lapurtzearekin”, eta hori agerian uzteko Stealin’ the blues lana taularatuko
dute.
ALBISTEAK ESKUKO TELEFONOAN
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.