Etxez etxeko laguntzaile postua betetzeko lan eskaintza egin du udalak
Udalak lanaldi erdian eta uztaila eta
abuztuan etxez etxe jarduteko laguntzailea kontratatzeko deialdia zabaldu du. Interesatuak
langabeak izan beharko dira, eskola graduatu titulua eta “B” gidabaimena izan
beharko dute eta euskaraz hitz egiten jakitea eskatzen zaie. “Mendekotasun
egoeran dauden pertsonen arreta sozio-sanitarioa” ikastaroa eginda edukitzea
eta antzeko lanpostuan jardun izana baloratuko da. Izen ematea udaletxeko
harrera bulegoetan egin behar da, ekainaren 11a (barixakua) baino lehen.