EAJ POZIK AZALDU DA UDALAK LAU KONTRATAZIO BERRI BURUTU DITUELAKO
Aldazabalek azaldu duenez “erakunde publiko eta pribatuen arteko elkarlana sustatu eta bultzatu behar
da lanpostu berriak sortzeko herri mailan”
Udaletxeko EAJko udal taldea pozik azaldu da, udalak lau
kontratazio berri burutu dituelako. Eusko Jaurlaritzaren ekimenez, eta Euskal
Emplegu Zerbitzuaren (Lanbide) laguntzaz posible izan da herri mailan, udalak,
lau kontratazio berri burutzea.
Bozeramaile Jeltzalea
den, Iker Aldazabalek gaineratu du “ekimen hau, Debabarreneko Enplegu Planaren
baitan gauzatu dela, lehentasuna ematen zaielarik langabezi tasa altua duten
herriei. Bestalde gogoratu du “Soraluzek %18,3 langabezi tasa pairatzen duela
maiatzeko azkenengo datuen arabera. Konkretuki 361 langabetu daude
erregistratuta herrian”.
Guzti honen harira
azpimarratu du “bere taldearen lehentasuna, erakunde publiko eta pribatuen
arteko elkarlana sustatu eta bultzatzea dela, lanpostu berriak sortzeko herri
mailan”. Bestalde alkateari “eskua luzatzen dio amankomunean lan egiteko” eta
eskatzen dio “Gipuzkoako Foru Aldundia kudeatzen duen Bilduri galda
diezaion,gutxienez, Eusko Jaurlaritzak burutzen duen esfortzua egin dezan
Gipuzkoako industria sarea sustatzen eta berritzen.”
Azkenik Aldazabalek
ondorengo konparaketa egin du, “aurreko legealdian Gipuzkoako Foru Aldundiak
bataz beste aurrekontuaren % 4,46ko inbertsioetara bideratzen zuen krisiari
aurre egiteko, Gaur egunean aldiz, Bildu gobernuan dagoenetik portzentaia
gutxitzen joan da % 1,21 iritsi arte, espero degu tendentzia honi buelta
ematea”