“Txip bidezko edukiontzi marroi berriak ekainaren 3tik 5era jarriko dira” EAJ

plaentxia_com 2014ko mai. 19a, 08:30
Deskargatu Info Ahotsak :
es en fr

EAJko bozeramaile eta Debabarrenako Mankomunitatean Soraluzeko ordezkari den Iker Aldazabal pozik azaldu da, “Soraluzen laster txip bidezko bosgarren edukiontzia jarriko delako”. Pretsa ohar bitartez azaldu du txartelak asteon gutun bitartez helduko direla etxeetara eta hauekin erabilera errazteaz gain, kontrol zehatza eramateko aukera izango dela “edukiontziak errazago irekiko dira eta, gainera, parte-hartzaileen datuak erregistratuko ditu. Hartara, benetan materia organikoa birziklatzen duten herritarrek izango dituzte hobariak zaborretan”. Irakurri prentsa oharra!

 
EAJren prentsa oharra:

EAJ-PNV POZIK DAGO SORALUZEN LASTER TXIP BIDEZKO BOSGARREN EDUKIONTZIA JARRIKO DELAKO

Iker Aldazabal, jeltzaleen udal taldearen bozeramaileak eta Debabarrenako Mankomunitatean Soraluzeko ordezkariak honakoa aditzera eman du: “Txip bidezko edukiontzi marroi berriak ekainaren 3tik 5era jarriko dira”.

Soraluzeko EAJ-PNVren udal taldearen bozeramaile eta Debabarrenako Mankomunitatearen Soraluzeko ordezkari Iker Aldazabalek aditzera eman du, datorren astean Mankomunitateak gutuna bidaliko diela soraluzetarrei. Bertan, txip bidezko edukiontzi marroi berriak erabiltzeko txartelak banatuko dira eta, bide batez, edukiontziak erabiltzeko triptikoa banatuko da”. Era berean, Aldazabaldek azaldu du, edukiontziak ekainaren 3tik 5era bitartean jarriko direla eta txip bidez irekiko direla. Horrenbestez, errazago irekiko dira eta, gainera, parte-hartzaileen datuak erregistratuko ditu, betiere, birziklatzeagatik hobariak emateko. Hobari horiek zabor-tasan egingo dira eta benetan materia organikoa birziklatzen duten herritarrek izango dituzte hobariak”. Horrenbestez, Iker Aldazabalek esan du, EAJ-PNV pozik dagoela Soraluzen laster txip bidezko bosgarren edukiontzia jarriko delako: “Izan ere, sistema erraza, erosoa eta borondatezkoa da eta birziklatze-tasak handitzeko balioko du”. Hortaz, EAJ-PNVren udal taldearen bozeramaileak gogorarazi du, azkeneko urtean Soraluzeko birziklatze-tasa %30 izatetik %36 izatera pasa da, eta, ondorioz, soraluzetarrei dei egin die, edukiontzien bitartez birziklatzen jarraitzeko, izan ere, sistema garbia, eraginkoa eta borondatezkoa da. Ildo beretik, Debabarrenako Mankomunitatean Soraluzeko ordezkariak azaldu du, Mankomunitateak doako telefono zenbakia jarri duela (900 10 32 26) sistemak sor ditzakeen zalantzak argitzeko.

Azkenik, Aldazabalek honakoa gogorarazi du: “Hondakin organikoak edozein egunetan eta edozein ordutan bota daitezke edukiontzi marroian”. Halaber, segidakoa aditzera eman du: “Laster Soraluzen makinak jarriko dira, hain zuzen ere, bosgarren edukiontzian materia organikoa jasotzeko poltsa biodegradarriak hartzeko makinak. Makina horiek erabiltzeko ere balioko du gutunean soraluzetarroi banatuko zaigun txartela”.