Libururik gustokoenak deskontuarekin erosteko aukera

plaentxia_com 2014ko mai. 6a, 13:45
Deskargatu Info Ahotsak :
es en fr

Euskarazko irakurzaletasuna sustatzeko `Irakurri, gozatu eta oparitu´ egitasmoa jarri du martxan Pil-pileanak liburutegiarekin eta Iratxo goxodendarekin batera. Apirilaren 23tik ekainaren 30era bitartean liburutegian euskarazko liburu bat maileguan hartu, irakurri, eta ondoren edozein liburu erosteko %25eko deskontu txekea jasotzeko aukera izango da; euskara elkarteko bazkide eta AEKko ikasleek %50ekoa. Liburua Iratxo goxodendan erosi, eta senide, lagun edo norbere buruari oparitzea da proposatzen dutena. 

 

Apirilaren 23az geroztik dago Pil-pilean Euskara Elkarteak, liburutegiak eta Iratxo goxodendak elkarlanean abiaturiko `Irakurri, gozatu eta oparitu´egitasmoan parte hartzeko aukera. Euskaraz irakurtzearen alde atsegina bultzatu nahi dute eta kanpainan parte hartzeko hiru pauso eman behar dira:

1- Hartu euskarazko liburu bat liburutegitik, eraman etxera eta irakurriz gozatu.

2- Amaitutakoan itzuli, bete irakurle fitxa eta erosketa deskontu txekea hartu liburutegian.

3- Iratxo goxodendan %25 merkeago erosi beste edozein liburu (euskara elkarteko bazkide eta AEKko ikasleek %50 merkeago).

4- Oparitu lagun bati, edo zeure buruari, merezi duzu eta!