Gipuzkoako Foru Aldunditik lortutako laguntza
bati esker, Debabarrenean enpresa berriak sortzen laguntzeko 120.000 euroko
diru partida jarri du abian Debegesak.
Diru-laguntza eskatu ahal izateko, enpresa berriek 2014ko urtarrilaren 1etik aurrera ekonomia-jardueren gaineko zergan (IAE) eta Gizarte Segurantzaren dagokion erregimenean alta egoeran egon behar dute eta ondorengo ezaugarrietako bat bete behar dute:
· Jarduera berezia: Izaera industriala dutenak edo sektore honi zerbitzua eskaintzen dieten proiektuak lagunduko dira bereziki, hau da, Bai Industriari! estrategian oinarritutakoak.
·
Berrikuntza maila: Gaur egun Debabarreneko
enpresa sarean erantzunik edo irtenbiderik ez duten beharrei erantzuten dieten
proiektuak.
·
Enpleguaren sorreran eragin zuzena:
Gutxienez zuzenean 3 lanpostu sortuko lituzketen proiektuak.
· Kudeaketa eredu parte-hartzailea: Kooperatiba ereduko proiektuak.
Diru-laguntzak negozioa martxan jarri ahal izateko egingo diren inbertsioak laguntzera bideratuko dira, inbertsioaren %75 arte, proiektu bakoitzeko gehienez 7.000 euro; eta industria arloko enpresen kasuan, 10.000 euro gehienez.
Diru-laguntza eskatzeko epea
Laguntza eskaerak Debegesaren egoitzan aurkeztu behar
dira (Eibarko Azitain Industrialdean) goizeko 8:30etatik 14:30era, 2014ko ekainaren 30era arte (barne).
Informazio gehiago: 943 82 01 10 (Debegesa) / pymes@debegesa.com