“Pankreas”, bertsoz idatzitako euskarazko lehen antzezlanaren aurrestreinaldia domekan

Hiru lagunen istorioa kontatuko dute; lehenak pankreasen transplante baten premia larria dauka. Bigarrenak urtebetera bere buruaz beste egiteko asmoa du herentziazko Alzheimerrari izkin egiteko eta hirugarrenak proposamen bat egingo dio bigarrenari: suizidioaren epea aurreratzea, lehenengoari bere pankreasa emateko. Une hartatik aurrera ezusteko gertaerak bata bestearen ondoren etorriko dira, fisika modernoaren axioma bati men eginez: gerta daitekeen guztia, denik eta sinesgaitzena bada ere, gertatu egiten da noizbait.