ERREREGIONAL PREFERENTEAK 0-3 garaitu du Eibartarrak taldea eta 41
punturekin Igoera fasean hirugarren sailkatu da, Amaikak Bat liderretik 2
puntura. Hurrengo neurketa Zumaiako (39 puntu) taldearen kontra izango du,
martxoaren 9an.
ERREGIONALAK puntu bakarra eskuratu du Urkirekin bana (1-1) berdinduta. Kopako
sailkapenean Arizmendiren atzetik hirugarrena da 14 puntu batuta; Bergara da
taldeko buru 18 punturekin. Martxoaren 9an Ikasberri (6 puntu) azpeitiarren
zelaian neurtuko dituzte indarrak. Kopako txapelketan zazpi partida jokatu ditu
Preferenteak, horietatik lautan irabazi, bitan berdindu eta bakarrean galdu
dute.
JUBENILEK Arizmendi taldeko azkenari 0-5 irabazi eta gero, hirugarren
sailkatu dira 13 puntu batuta, Aloña Mendi dago lidertzan, 17 punturekin. Datorren
neurketa Arentxabaletan izango dute, bertako taldearen aurka.
KADETE MUTILEN TALDEAK partida ona jokatu du asteburuan, sailkapeneko
bigarrena den Arrasaterekin bina (2-2) berdindu baitu. Hala ere Kopako
txapelketako sailkapenean azkena izaten jarraitzen du, 4 puntu batuta. Martxoaren
9an Aloña Mendikoak hartuko dituzte Ezozin. Oñatiarrak 6 puntu dituzte eta
sailkapenean bosgarrenak dira.
KADETE NESKEN TALDEAK martxoaren 9an ekingo dio Kopa jokatzeari. Aloña
Mendi oñatiarrak hartuko dituzte Ezozin eta sailkapenean aurrera egin nahi
badute, zaleen animoak ezinbestekoak izango dituzte; Liga azken postuan bukatu
baitute, punturik batu gabe.